Kandidatja për deputete nga Lidhja Demokratike e Kosovës (LDK), Janina Ymeri, ka reaguar lidhur me dallimet në çmimin e energjisë elektrike që paguhet në komunat veriore krahasuar me pjesën tjetër të vendit.

Në një shkrim të saj, Ymeri ka deklaruar se tarifa e energjisë për qytetarët në shumicën e Kosovës është 9.05 cent, ndërsa në veri paguhet 7.40 cent.

Ajo ka kritikuar Qeverinë Kurti, duke thënë se pjesa tjetër e vendit po paguan koston e importit të energjisë, ndërsa në veri paguhet vetëm konsumimi.

“Ne e paguajmë importin e nacionalizmat e Albin Kurtit, ata veç rrymën”, ka shkruar Ymeri.