Vinicius Junior ka kontratë me Real Madridin deri në qershor të vitit 2027 dhe drejtuesit e klubit vazhdojnë ta konsiderojnë rinovimin e tij prioritet. Braziliani ka zhvilluar 351 ndeshje me fanellën madrilene dhe mbetet një nga lojtarët kyç të skuadrës.

Pavarësisht tensioneve të fundit dhe kritikave nga një pjesë e tifozëve, klubi ka qëndruar pranë lojtarit, duke i bërë të qartë rëndësinë që ka për ekipin. Oferta për rinovim mbetet e pandryshuar dhe nuk është ndikuar nga ndryshimet në stafin teknik.

Tashmë, vendimi për të ardhmen është në duart e Vinicius, ndërsa në Real Madrid shpresojnë që marrëveshja të mbyllet në javët e ardhshme për të shmangur spekulimet dhe për të ruajtur stabilitetin e skuadrës.