Një person ka mbetur i plagosur nga armë zjarri në orët e para të mëngjesit të së dielës në Rahovec.

Sipas njoftimit nga Policia e Kosovës, rasti është cilësuar si “vrasje në tentativë”. Viktima ka deklaruar se është goditur nga një plumb që i ka ardhur nga një drejtim i panjohur.

Rrethanat e ngjarjes mbeten të paqarta, ndërsa hetimet janë duke vazhduar për zbardhjen e plotë të rastit dhe identifikimin e personit të dyshuar.