Temperaturat mbi 40°C, Evropën e përfshin vala e të nxehtit

Evropa po përballet me një valë të fuqishme të të nxehtit, me temperatura mbi 40°C në disa vende.

Në Turqi, zjarre kanë shpërthyer në qytete si Izmir, Bursa dhe Adana, ku një aeroplan zjarrfikës u rrëzua gjatë një operacioni.

Greqia po përjeton nxehtësinë më të madhe të verës deri më tani, me temperatura deri në 41°C.

Edhe Spanja e Portugalia janë në alarm, me paralajmërime për temperatura ekstreme deri në 44°C.

Autoritetet u bëjnë thirrje qytetarëve të shmangin aktivitetet në ambiente të hapura dhe të jenë të kujdesshëm për shkak të rrezikut nga zjarret.