Një ngjarje e rëndë ka ndodhur mëngjesin e së hënës në qytetin e Shkodrës, ku tre persona kanë mbetur të plagosur si pasojë e të shtënave me armë zjarri.

Ngjarja ka ndodhur brenda një lokali, ndërsa sipas raportimit të gazetarit Klodian Zhivani, në mesin e të plagosurve janë Armando Pali, Eugen Vaso dhe një kamarier që punonte në lokalin ku ndodhi ngjarja.

Ende nuk dihen rrethanat e plota të ngjarjes, ndërsa forcat e policisë ndodhen në vendin e ngjarjes dhe kanë nisur hetimet.