Një nga ndërtesat kryesore qeveritare në Kiev është goditur gjatë sulmeve ajrore të natës, duke pësuar dëmtime në çati dhe katet e sipërme. Lajmin e ka konfirmuar kryeministrja e Ukrainës, Yulia Svyrydenko, e cila tha se kjo është hera e parë që godina e Qeverisë preket nga një sulm armik.

Sipas saj, ekipet e shpëtimit po punojnë për shuarjen e zjarrit dhe për të vlerësuar dëmet. Kryebashkiaku i Kievit, Vitaliy Klitschko, ka njoftuar se ndërtesa u përfshi nga flakët pas një sulmi me dron, duke sqaruar se ajo ndodhet në lagjen qendrore Pecherskyi.

Forcat e emergjencës vazhdojnë të qëndrojnë në vendngjarje për të siguruar kontrollin e situatës.