Një shtetas suedez është arrestuar të dielën pasdite në Qendrën Tregtare “Prishtina Mall”, pasi dyshohet se ka vjedhur një çantë luksoze të markës “Boss”.

Sipas informacioneve nga sigurimi i qendrës, rasti ka ndodhur në lokalin “Boss”, ku çanta me vlerë 269.99 euro ishte marrë pa leje, pasi i ishte hequr pajisja e sigurisë (alarmi). Policia ka reaguar menjëherë dhe ka ndaluar dy persona të dyshuar, shtetas të Suedisë, të cilët janë marrë në pyetje.

Nga hetimet e para është konstatuar se vetëm njëri prej tyre, Jahn Dahlgren, rreth 27 vjeç, ishte përfshirë në vjedhje. Ai është ndaluar në mbajtje, ndërsa ndaj tij është iniciuar rasti “Vjedhje e rëndë”.

Hetimet po zhvillohen nën drejtimin e Prokurorit Kujdestar, teksa po verifikohet nëse i dyshuari ka lidhje me ndonjë rast tjetër të ngjashëm në qendër.