Rinumërimi i votave të zgjedhjeve të parakohshme në Kosovë ka kaluar 55 për qind të vendvotimeve dhe ka nxjerrë në pah parregullsi serioze, duke shtuar dyshimet për manipulim.

Sipas KQZ-së dhe Institutit Demokratik të Kosovës, rreth 80 mijë vota kanë rezultuar të numëruara gabimisht, ku më së shumti janë prekur kandidatët e PDK-së, pasuar nga LVV, LDK dhe AAK. Pjesa më e madhe e parregullsive vjen nga komuna e Prizrenit.

Si pasojë, autoritetet kanë zgjeruar hetimet edhe në Ferizaj dhe Malishevë, ndërsa në Prizren janë ndaluar mbi 100 persona dhe është kërkuar paraburgim për 23 të dyshuar.

Liderët politikë kanë bërë thirrje për hetim të plotë dhe ndëshkim të përgjegjësve, duke theksuar se manipulimi i votave është vepër penale.