Achraf Hakimi nuk pritet të rikthehet menjëherë në fushë, edhe pse procesi i rikuperimit të tij po zhvillohet pozitivisht. Paris Saint-Germain ka vendosur të mos e nxitojë kthimin e mbrojtësit maroken, duke e menaxhuar situatën me kujdes maksimal.

Sipas mediave italiane, Hakimi ka pësuar një dëmtim serioz në kyç, ndaj stafi mjekësor në bashkëpunim me trajnerin Luis Enrique po ndjekin një program të personalizuar rikuperimi për të shmangur rrezikun e lëndimeve të reja. Klubi po ashtu ka zgjedhur ta mbajë larg vëmendjes mediatike procesin e rikthimit të tij, për të mos ushtruar presion të panevojshëm mbi lojtarin.

PSG synon që rikthimi i Hakimit të jetë gradual dhe i sigurt, duke marrë parasysh edhe aspektin psikologjik. Luis Enrique ka komunikuar drejtpërdrejt me lojtarin për rëndësinë e stabilitetit emocional krahas përgatitjes fizike, me qëllim që ai të rikthehet plotësisht i gatshëm dhe pa rrezikuar shëndetin afatgjatë.