Policia e Kosovës në Zveçan ka pranuar informacione për një lokacion ku dyshohej se mund të kishte armë pa leje. Pas ndërhyrjes në terren, njësitë policore kanë zbuluar uniforma kamuflazhi, një helmetë, pesë karikatorë të mbushur me fishekë dhe disa radiolidhje.

Sipas Policisë Rajonale në Veri, përveç uniformave kamuflazhi janë gjetur edhe uniforma të tjera, ndërsa një pjesë e radiolidhjeve besohet të kenë qenë më herët në përdorim nga Policia. Autoritetet konsiderojnë se këto pajisje janë mbetje të rastit të Banjskës ose të personave të dyshuar të përfshirë në atë ngjarje.