Përleshje mes vjehrrës dhe nuses në Prishtinë – Akuzojnë njëra-tjetrën për dhunë

Një rast dhune në familje është raportuar mbrëmjen e 26 qershorit në rrugën “Asllan Pireva” në Prishtinë, ku një vjehrrë 67-vjeçare dhe nusja e saj 34-vjeçare kanë akuzuar njëra-tjetrën për dhunë fizike dhe psikike.

Të dyja janë shoqëruar nga Policia për intervistim. Vjehrra ka deklaruar se nusja e ka ofenduar dhe sulmuar, ndërsa nusja ka thënë se vjehrra e fyen vazhdimisht dhe e akuzon për pamoralitet. Ato jetojnë në të njëjtën shtëpi, por nuk komunikojnë.

Palët kanë pranuar trajtim mjekësor dhe kanë refuzuar strehimin. Prokurori ka urdhëruar inicimin e rastit si “Dhunë në familje”, ndërsa hetimet po vazhdojnë.