Partia Demokratike e Kosovës (PDK) ka paralajmëruar mbajtjen e një konference shtypi vetëm një ditë pas zgjedhjeve parlamentare të 28 dhjetorit. Konferenca do të mbahet sot në selinë qendrore të partisë dhe pritet të nisë në orën 11:30.

Ende nuk është bërë e ditur se cili nga drejtuesit e PDK-së do t’u drejtohet mediave. Sipas IndeksOnline, pritet që në këtë paraqitje publike të jepen qëndrime lidhur me procesin zgjedhor, rezultatin e arritur, si dhe zhvillimet dhe opsionet paszgjedhore.

Bazuar në rezultatet preliminare të publikuara nga Komisioni Qendror i Zgjedhjeve, PDK-ja ka siguruar rreth 21 për qind të votave, duke ruajtur pothuajse të njëjtin nivel mbështetjeje si në zgjedhjet e 9 shkurtit 2021, kur kishte marrë rreth 20.95 për qind.

Megjithëse numri i votave mund të pësojë ndryshime, raporti elektoral ka mbetur pothuajse i pandryshuar, duke e renditur PDK-në si forcën e dytë politike në nivel vendi.

Vlen të theksohet se ende nuk janë numëruar votat me postë, votat me kusht dhe ato të personave me nevoja të veçanta, çka mund të sjellë lëvizje të lehta në përqindje dhe në ndarjen e mandateve.

Konferenca e sotme pritet të hedhë më shumë dritë mbi qëndrimin e PDK-së dhe hapat e ardhshëm në skenën politike pas zgjedhjeve.