Sot në Paris zhvillohet ceremonia e 69-të e “Topit të Artë”, çmimit më prestigjioz individual në futboll.

Ngjarja do të mbahet në teatrin “Chatelet”, i cili është kthyer në simbol të këtij eventi, duke pritur yjet më të mëdhenj të futbollit botëror. Ceremonia nis në orën 15:00 dhe do të transmetohet në mbarë botën, me miliona tifozë që presin shpalljen e futbollistit më të mirë të vitit.

Këtë edicion, gara është më e hapur se kurrë, me 30 futbollistë të nominuar nga ligat më të forta evropiane, ku spikasin si emrat e njohur ashtu edhe talentet e reja.