Presidentja e Kosovës, Vjosa Osmani, gjatë vizitës së saj zyrtare në SHBA, është takuar në New York me zyrtarin e lartë të Departamentit Amerikan të Shtetit, Brendan Hanrahan.

Takimi pasoi një bisedë telefonike të zhvilluar më herët mes tyre, ku Osmani ritheksoi rëndësinë strategjike të marrëdhënieve Kosovë–SHBA.

“Aleanca me SHBA-të mbetet themel i sigurisë sonë kombëtare, i stabilitetit rajonal dhe i rrugës drejt integrimit euroatlantik,” tha Osmani, duke shtuar se është e përkushtuar ta mbrojë dhe ta forcojë këtë miqësi të ndërtuar mbi besim dhe bashkëpunim.