Ndërprerje e ujit në dy rrugë të Vushtrrisë për shkak të një shpërthimi

Kompania Rajonale e Ujësjellësit “Mitrovica” ka njoftuar se për shkak të një shpërthimi në gypin furnizues, rrugët “Shemsi Istrefi” dhe “Pandeli Sotiri” në Vushtrri do të përballen me ndërprerje të furnizimit me ujë deri në sanimin e defektit.

Ndërhyrja është e ndërlikuar për shkak të pranisë së kabllove të energjisë elektrike në afërsi të gypit, çka kërkon kujdes të shtuar nga ekipet teknike.

KRU “Mitrovica” ka kërkuar mirëkuptimin e qytetarëve deri në përfundimin e punimeve.