Milot Rashica po përjeton një sezon të vështirë te Besiktashi, ku paraqitjet nën pritshmëri dhe problemet me lëndime kanë ndikuar që klubi turk të shqyrtojë largimin e tij në afatin kalimtar të janarit, raportojnë mediat turke.

Anësori kosovar, i cili po e zhvillon sezonin e tij të tretë me ekipin nga Stambolli dhe ka kontratë deri më 30 qershor 2027, pritet të jetë në listën e largimeve të mundshme të klubit.

Interesim për 29-vjeçarin nuk mungon. Gjatë verës, Borussia Mönchengladbach ishte një nga skuadrat që shfaqi interesim, ndërsa në garë janë përmendur edhe dy klube të njohura portugeze, Benfica dhe Porto.

E ardhmja e Rashicës pritet të qartësohet në muajt e ardhshëm, teksa Besiktashi po vlerëson opsionet për transferimin e tij.