Mbyllet përkohësisht rruga te udhëkryqi i hekurudhës në Shtitaricë të Vushtrrisë

Për shkak të punimeve në zgjerimin e linjes hekurodhore, përkohësisht do të mbyllet rruga te udhëkryqi i fshatit Shtitaricë, në afërsi të fabrikës së llamarinës.

Komuna e Vushtrrisë ka treguar për kohën sa do të jetë e mbyllur kjo rrugë.

“Nga data 03.07.2025 në ora 07:00 deri më 05.07.2025 në ora 16:00, udhëkryqi i rrugës rajonale R220 në nivel me hekurudhën në fshatin Shtitaricë, do të jetë i mbyllur për qarkullim të mjeteve motorike”, thuhet në njoftim.

Gjithashtu, thuhet se bllokimi i qarkullimit do të vazhdojë nga data 06.07.2025 deri më 08.07.2025 vetëm natën nga ora 20:00 deri në ora 02:00.

“Qarkullimi i mjeteve do të bëhet përgjatë rrugës “Halil Kuqi”, pra rrugës Dolak – Bukosh dhe anasjelltas”, thuhet tutje në njoftim.