Vëllezërit Bashkim dhe Xhemajli Emini janë liruar pas një jave mbajtjeje në Serbi. Ata ndodhen në gjendje të mirë shëndetësore dhe tashmë janë në rrugë për t’u kthyer te familjarët e tyre në Gjermani.

Lajmin e ka konfirmuar nipi i tyre, Ervin Hoxha.

Dy vëllezërit ishin arrestuar javën e kaluar në kufirin Serbi–Hungari, me akuzat e pabazuara të autoriteteve serbe se kishin marrë pjesë në rrëmbimin e një serbi gjatë vitit 1999.