Liga e Kampionëve kthehet sonte në skenë me disa ndeshje të forta, ku klubet më të njohura të futbollit evropian do të kërkojnë pikë të rëndësishme në fazën e ligës.

Programi hapet me ndeshjen e hershme nga ora 16:30, ku Kairat Almaty përballet me Club Brugge KV. Belgët hyjnë në këtë duel me statusin e favoritit falë përvojës së tyre në arenën evropiane, por vendasit synojnë të befasojnë.

Më pas, Manchester City do të luajë në Norvegji kundër Bodo/Glimt, me kampionët e Anglisë që synojnë të vazhdojnë formën e mirë dhe dominimin në kompeticionet evropiane.

Në Danimarkë, FC Copenhagen do të presë Napolin, në një përballje ku skuadra italiane kërkon fitore për të konsoliduar pozitat, ndërsa vendasit shpresojnë të përfitojnë nga mbështetja e tifozëve.

Një tjetër duel i madh zhvillohet në Itali, ku Interi përballet me Arsenalin, në një ndeshje që pritet të ofrojë spektakël mes dy emrave të mëdhenj të futbollit evropian.

Ndërkohë, në Madrid, Real Madridi pret Monacon. “Los Blancos” konsiderohen favoritë, por pas periudhës së vështirë dhe ndryshimit të trajnerit, sfida pritet të jetë një test i rëndësishëm për skuadrën spanjolle.