Kuvendi i Kosovës është shndërruar në cirk të demokracisë, situata ka dalë jashtë çdo norme

Eugen Cakolli nga Instituti Demokratik i Kosovës ka kritikuar ashpër seancat e shkurtra dhe të pasuksesshme për konstituimin e Kuvendit të Kosovës, duke thënë se kjo situatë ka tejkaluar çdo normë demokratike.

Ai tha se qytetarët janë lodhur nga kjo gjendje, ndërsa deputetët vazhdojnë me papërgjegjësi të plotë, duke e trajtuar si normale një situatë që nuk është e tillë.

Sipas Cakollit, Kuvendi është bërë një cirk i demokracisë, ku deputetët mblidhen për disa minuta çdo 48 orë, ndërkohë që pagat e tyre vazhdojnë të paguhen.