Kryesia Qendrore e Lidhjes Demokratike të Kosovës do të zhvillojë nesër një mbledhje, e cila do të mbahet në ora 15:00. Takimi pritet të ketë peshë të veçantë për zhvillimet e brendshme dhe drejtimin e ardhshëm të partisë.

Sipas burimeve, në fokus të diskutimeve do të jenë çështje me rëndësi politike dhe organizative, si dhe koordinimi i hapave të ardhshëm të LDK-së në kuadër të përgjegjësive të saj.

Pjesëmarrja e anëtarëve të Kryesisë konsiderohet thelbësore, pasi do të trajtohen tema që lidhen drejtpërdrejt me orientimin politik dhe veprimtarinë e ardhshme të partisë.

Kryetari i LDK-së, Lumir Abdixhiku, përmes një njoftimi, ka ftuar anëtarët e Kryesisë të marrin pjesë në këtë mbledhje, duke theksuar rëndësinë e angazhimit dhe bashkërendimit për çështjet me interes për partinë.