Komisioni Qendror i Zgjedhjeve ka përmbyllur sot procesin e hedhjes së shortit për renditjen e subjekteve politike në fletëvotim për zgjedhjet e parakohshme të 28 dhjetorit. Numrat e renditjes për këtë proces shtrihen nga 111 deri në 134, duke zyrtarizuar pozicionet e të gjitha partive dhe kandidatëve të pavarur.

Renditja e disa prej subjekteve kryesore politike:

• 116 – Lëvizja Vetëvendosje (LVV)
• 122 – NISMA Socialdemokrate
• 123 – Lidhja Demokratike e Kosovës (LDK)
• 127 – Lista Serbe
• 129 – Aleanca për Ardhmërinë e Kosovës (AAK)
• 130 – Partia Demokratike e Kosovës (PDK)

Ky hap vjen pas dy javësh përgatitjesh të intensifikuara nga KQZ, që synojnë mbarëvajtjen e procesit zgjedhor. Pas shortit, institucioni do të nisë fazat tjera teknike, si miratimi i dizajnit të fletëvotimeve dhe organizimi i votimit me postë për qytetarët jashtë vendit.

Kryesuesi i KQZ-së, Kreshnik Radoniqi, u bëri thirrje subjekteve politike që të zhvillojnë fushatat e tyre me përgjegjësi, etikë dhe respekt ndaj rregullave zgjedhore.

Renditja e subjekteve tjera politike:

111 – Nova Demokratska Stranka (NDS)
112 – Kosova Demokratik Turk Partisi (KDTP)
113 – Partia Balli Kombëtar Demokrat Shqiptar
114 – Fjala
115 – Lëvizja Përparimtare e Romëve të Kosovës
117 – Nisma Qytetare për Kosovë
118 – JGP Paria Unike Gorane
119 – Kandidati i pavarur Nexhmedin Sedillar
120 – Partia Liberale Egjiptiane
121 – Kosovski Savez
124 – Kosovaki Nevi Romani Partia
125 – Koalicioni PAI-PDAK-LPB
126 – Unioni Socialdemokrat (SDU)
128 – Iniciativa e Re Demokratike e Kosovës
131 – PSA
132 – Koalicioni Vakat
133 – Partia Rome e Bashkuar e Kosovës
134 – Za Slobodu Pravdu i Opstanak