Naim Jakaj nga Instituti i Kosovës për Drejtësi (IKD) ka deklaruar se kryetari i Kuvendit, Dimal Basha, në mënyrë arbitrare ka konstatuar që Kuvendi është konstituuar.

Jakaj tha se fillimisht ndërrimi i mënyrës së votimit u bë nga kryesuesi i seancës konstituive, deputeti më i vjetër Avni Dehari, ndërsa më pas Basha në mënyrë arbitrare konstatoi konstituimin e Kuvendit.

Hulumtuesi shtoi se edhe Dehari ka pasur sjellje arbitrare dhe se ishte e nevojshme ndërhyrja e Gjykatës Kushtetuese për zbatimin e rregullt të Kushtetutës dhe praktikës parlamentare, duke bërë që votimi të zhvillohej i hapur.

Jakaj theksoi se ndryshimi në votim dhe konstata e konstituimit nga Basha, i cili vjen nga Lëvizja Vetëvendosje, kanë qenë veprime arbitrare që kanë ndikuar në proces.

Ai vuri në dukje se vendimi i Gjykatës Kushtetuese për pezullimin e procedurave për formimin e Qeverisë ishte i rëndësishëm dhe përmendi se IKD kishte rekomanduar që Presidentja Vjosa Osmani të mos fillonte këto procedura.