West Ham United ka siguruar një përforcim të rëndësishëm në afatin kalimtar. Sipas gazetarit të njohur Fabrizio Romano, klubi londinez ka arritur marrëveshje verbale me ish-futbollistin e Barcelonës, Adama Traore.

Raportohet se palët kanë rënë dakord për kushtet dhe se në ditët në vijim pritet që Traore t’i nënshtrohet testeve mjekësore, para se të zyrtarizohet nënshkrimi i kontratës.

Ndërkohë, ardhja e Traores në “London Stadium” pritet të shoqërohet me largimin e Guido Rodriguez, i cili do ta vazhdojë karrierën te Valencia.