Hasani: Kushtetuesja nuk lejon votim të fshehtë në seancën konstituive

Ish-kryetari i Gjykatës Kushtetuese, Enver Hasani, ka thënë se aktgjykimi i fundit nuk parasheh votim të fshehtë për konstituimin e Kuvendit, dhe se pretendimet e LVV-së janë abuzive.

Sipas Hasanit, forma e votimit përcaktohet nga Rregullorja e Kuvendit, e cila nuk parashikon votim të fshehtë në këtë rast. “Kjo është e qartë si drita e diellit”, u shpreh ai.

Hasani shtoi se mungesa e një sanksioni të qartë nga Gjykata lejon shpërfilljen e vendimit, ndërsa aktgjykimin e vlerësoi si “të ndrojtur”.