Dy zyrtarë publik janë arrestuar sot nën dyshimin se kanë pranuar ryshfet për t’i mundësuar një kandidati kalimin e testit teorik për patentë shofer.

Sipas Prokurorisë, të dyshuarit kanë kërkuar dhe pranuar një shumë të caktuar parash nga i dëmtuari, i cili pas dhënies së ryshfetit ka arritur ta kalojë testin. Ndaj tyre është caktuar masa e ndalimit prej 48 orësh, ndërsa brenda afateve ligjore Prokurori i Shtetit do të ndërmarrë veprimet e nevojshme procedurale.

“Prokurori i Shtetit mbetet i përkushtuar në luftimin e korrupsionit dhe kriminalitetit, duke ndërmarrë të gjitha veprimet ligjore për parandalimin dhe ndëshkimin e këtyre veprave penale”, thuhet në njoftim.