Pas eliminimit nga Europa League, kampionia e Kosovës, Drita, do të vazhdojë garat evropiane në Conference League, ku në fazën play-off do të ketë përballë skuadrën nga Luksemburgu, Differdange.

Ky është një kundërshtar i njohur për gjilanasit, pasi vetëm pak javë më parë ata e eliminuan në rrethin e parë kualifikues të Champions League, duke fituar në të dy ndeshjet.

Nëse Drita arrin të kalojë këtë fazë, do të shkruajë historinë, duke u kualifikuar për herë të parë në fazën e grupeve të Conference League.