Modernizimi ushtarak në Ballkanin Perëndimor pasqyron garën e fuqive të mëdha për ndikim. Serbia kombinon armatim nga Perëndimi, Kina dhe Rusia, ndërsa vendet e tjera mbeten kryesisht me teknologji perëndimore.

Shpenzimet ushtarake në rajon dallojnë, me Serbinë që vitin e kaluar shpenzoi 2.2 miliardë dollarë, pesë herë më shumë se Shqipëria. Kosova, që po transformon FSK-në në ushtri të plotë, ka marrë dronë amerikanë dhe trajnohet në baza amerikane dhe evropiane. Marrëveshjet rajonale për bashkëpunim ushtarak mes Kosovës, Shqipërisë dhe Kroacisë janë në përgatitje.

Ekspertët paralajmërojnë se Serbia, me orientimin e saj drejt Kinës dhe Rusisë, mund të destabilizojë rajonin, ndërsa për Kosovën kërcënimi kryesor mbetet Serbia. Për të përballuar sfidat, rekomandohet krijimi i kapaciteteve të përbashkëta ushtarake, politike dhe ekonomike.

Jamie Shea, ish-zyrtar i NATO-s, thekson: “Mund të të falet nëse humb një betejë, por jo nëse të kapin të papërgatitur”.