Fenerbahçe ka regjistruar një fitore të rëndësishme në transfertë, duke mposhtur Kocaelisporin me rezultat 0:2 në ndeshjen e vlefshme për javën e 20-të të Superligës së Turqisë.

Protagonist i takimit ishte mesfushori spanjoll Marco Asensio, i cili realizoi një gol spektakolar në minutën e 45-të, duke i dhënë epërsinë skuadrës së tij. Ish-lojtari i Real Madridit lëshoi një goditje të fuqishme nga distanca, e cila pas prekjes në traversë përfundoi në rrjetë, duke mos i lënë asnjë mundësi portierit vendas.

Goli i dytë për Fenerbahçen u shënua nga Nene Dorgeles në minutën e 75-të, duke vulosur kështu fitoren e mysafirëve.