Një person është arrestuar mbrëmë në Prishtinë pasi dyshohet se ka sulmuar fizikisht disa zyrtarë policorë. Ngjarja ka ndodhur në rrugën “5 Maji”.

Sipas policisë, i dyshuari ishte nën ndikim të alkoolit në momentin e incidentit. Gjatë procedurës në stacionin policor, ai ka tentuar të largohet dhe, pas ndërhyrjes së zyrtarëve, i ka sulmuar ata, duke u shkaktuar lëndime të lehta trupore.

Pas intervistimit, i dyshuari është ndaluar për 48 orë, ndërsa ndaj tij është iniciuar rasti për “Sulm ndaj personit zyrtar”.