Trajneri i Liverpoolit, Arne Slot, ka bërë të ditur se Mohamed Salah do t’i ribashkohet skuadrës javën e ardhshme pas ndeshjes vendimtare të Egjiptit në Kupën e Kombeve të Afrikës këtë të shtunë.

Slot shprehu kënaqësinë për rikthimin e sulmuesit egjiptian, duke theksuar rëndësinë e tij për klubin: “Mo ka qenë shumë i rëndësishëm për këtë klub dhe mua, kështu që jam i lumtur që është rikthyer, edhe nëse do të kisha 15 sulmues, do të isha i lumtur ta shihja Mo-në përsëri”.

Holandezi gjithashtu zbuloi se ka pasur biseda me Salah rreth agjendës së tij, përfshirë pjesëmarrjen e mundshme në ndeshjet e ardhshme të Ligës së Kampionëve, por mbajti detajet private konfidenciale.

Këtë sezon, Salah ka shënuar 5 gola dhe ka dhënë 4 asistime në 20 paraqitje për Liverpoolin në të gjitha garat.