Mesfushori shqiptar Ardon Jashari është shpallur lojtari më i mirë i vitit 2025 në Belgjikë, duke fituar çmimin prestigjioz “Këpuca e Artë”, edhe pse luajti vetëm gjysmë sezoni me Club Brugge para transferimit te Milani.

Jashari mposhti në votim Christos Tzolis dhe Hans Vanaken, falë paraqitjeve të shkëlqyera në pjesën e parë të vitit. Ky sukses ka një domethënie të veçantë për të, sidomos pas periudhës së vështirë me lëndime. Ai udhëtoi posaçërisht për të marrë çmimin dhe vlerësoi pritjen e ngrohtë nga ish-klubi, duke theksuar se Belgjika do të mbetet gjithmonë një shtëpi e dytë për të.