Sonte zhvillohet finalja e Kupës së Kombeve të Afrikës, ku përballë njëra-tjetrës do të jenë Maroku dhe Senegali në një duel që pritet të dhurojë spektakël.

Maroku, si vend organizator, përfundoi fazën e grupeve me shtatë pikë dhe më pas eliminoi Tanzaninë, Kamerunin dhe Nigerinë, duke treguar ambiciet për titullin. Edhe Senegali grumbulloi shtatë pikë në grup dhe kaloi Sudanin, Malin dhe Egjiptin në fazat eliminatore.

Të dyja ekipet njihen për lojën ofensive, me 21 gola të shënuar së bashku, por pritet që finalja në stadiumin “Prince Moulay Abdallah” të zhvillohet me kujdes nga të dyja palët.

Maroku mbështetet te Brahim Díaz dhe Ayoub El Kaabi, me Díaz si golashënuesin më të mirë të turneut me pesë gola. Senegalit i ka shpërndarë golat më balancuar, ku Sadio Mané ka realizuar tre gola, ndërsa Nicolas Jackson, Pape Gueye dhe Chérif Ndiaye kanë kontribuar me nga dy gola secili.