Klubi spanjoll Albacete ka dënuar ashpër aktet raciste ndaj sulmuesit të Real Madridit, Vinicius Jr, gjatë ndeshjes në “Carlos Belmonte”. Në një deklaratë zyrtare, klubi shprehu dhimbjen dhe turpin për ngjarjen që njollosi një natë që duhej të ishte magjike.

Albacete gjithashtu u shpreh në mbështetje të Vinicius Jr, Real Madridit dhe tifozëve të klubit madrilen. Klubi njoftoi se po punon për të identifikuar personin që hodhi bananen në fushë dhe do të marrë të gjitha masat e mundshme për të parandaluar hyrjen e tij në stadium në të ardhmen.