Juventusi dhe Milani po konsiderojnë një shkëmbim të mundshëm lojtarësh gjatë afatit kalimtar të janarit, që përfshin Federico Gatti dhe Ruben Loftus-Cheek, sipas raportimeve të Tuttosport.

Mundësia u diskutua gjatë një takimi të zhvilluar të premten, ku morën pjesë trajneri i Juventusit, Luciano Spalletti, drejtori ekzekutiv Damien Comolli dhe drejtori sportiv Marco Ottolini. Bisedimet konkrete midis dy klubeve pritet të zhvillohen në ditët në vijim.

Prioritet i Juventusit mbetet të sigurojë një mesfushor qendror të gjithanshëm dhe një zëvendësues për Kenan Yildiz. Spalletti ka theksuar se do të nënshkruajë vetëm lojtarë që përforcojnë ekipin pa prishur ekuilibrin e tij.

Loftus-Cheek kërkon më shumë minuta lojë për t’u bërë pjesë e Anglisë në Kupën e Botës 2026, ndërsa fizikaliteti dhe shkathtësia e tij i përshtaten taktikave të Spallettit. Nga ana tjetër, Gatti do t’i jepte Milanit mundësinë të forconte qendrën e mbrojtjes nën drejtimin e Massimiliano Allegrit.