Në përditësimin më të fundit të Qendrës Kombëtare për Menaxhim Kufitar, raportohet se pritjet për të dalë nga Kosova në disa pika kufitare po zgjasin deri në tri orë. Situata më e ngarkuar është në pikën kufitare të Dheu i Bardhë, ku kolona e automjeteve ka arritur një gjatësi prej mbi një kilometër, ndërsa pritja arrin deri në tri orë. Në Merdarë, pritjet janë mbi dy orë dhe kolona është një kilometër e 200 metra.

Po ashtu, në Jarinje, pritjet për të dalë nga Kosova arrijnë deri në dy orë, ndërsa për hyrje janë deri në një orë. Në Muçibabë dhe Mutivodë, qytetarët po përballen me pritje deri në dy orë për të dalë nga Kosova.

Në pikat kufitare të tjera, situata është më e qetë dhe nuk ka pritje të dukshme.