Presidentja e Kosovës, Vjosa Osmani, ka shprehur mbështetje për operacionin e Shteteve të Bashkuara në Venezuelë, duke theksuar se Kosova qëndron fuqishëm pranë SHBA-së dhe presidentit Donald Trump në përballjen me regjimin narko-terrorist të Venezuelës.

Osmani ka theksuar se vendosmëria amerikane ka ndikim të madh, duke përmendur çlirimin e Kosovës si dëshmi të fuqisë dhe lidershipit të SHBA-së. Ajo ka shtuar se komuniteti transatlantik bëhet më i fortë kur bashkohet pas lidershipit amerikan dhe vlerave të përbashkëta, duke theksuar rëndësinë e solidaritetit me SHBA-në për ruajtjen e lirisë kolektive.