Mosrespektimi i rregullave të komunikacionit vazhdon të jetë një nga faktorët kryesorë të aksidenteve të shpeshta në rrugët e Kosovës. Si pjesë e masave parandaluese, autoritetet policore vazhdojnë të ndëshkojnë shkelësit e rregullave të trafikut përmes gjobave.

Sipas të dhënave zyrtare nga raporti 24-orësh i Policisë së Kosovës, gjatë ditës së djeshme janë regjistruar gjithsej 78 aksidente trafiku në vend, prej të cilave një ka përfunduar me fatalitet. Aksidenti me pasoja fatale raportohet se ka ndodhur në Ferizaj.

Ndërkohë, në kuadër të zbatimit të ligjit në trafik, gjatë së njëjtës periudhë janë shqiptuar 794 tiketa trafiku për kundërvajtje, një numër më i ulët krahasuar me ditët e mëparshme.