Presidenti i Federatës Shqiptare të Futbollit, Armand Duka, ka folur për përfaqësuesen e Kosovës gjatë një interviste me Arbana Osmanin në emisionin “Mirëmbrëma yje…”.

I pyetur për krahasimin mes Shqipërisë dhe Kosovës, Duka u shpreh se beson që Shqipëria është më e mirë, duke shtuar megjithatë se suksesi i Kosovës është për t’u vlerësuar. Ai theksoi se Kosova ka futbollistë cilësorë dhe ka arritur të sigurojë një vend në play-off.

Sipas Dukës, për një përfaqësuese me histori të shkurtër dhe me pak përvojë ndërkombëtare, kualifikimi në play-off përbën një arritje të madhe. Ai vlerësoi këtë moment si të rëndësishëm për Kosovën dhe theksoi se synimi për kualifikim në Kampionatin Botëror duhet të vazhdojë.