Qendra Kombëtare për Menaxhim Kufitar ka publikuar përditësimin më të fundit mbi gjendjen në pikat kufitare të Kosovës.

Sipas të dhënave nga terreni në orën 14:45, situata në pikën kufitare Merdarë është përmirësuar ndjeshëm krahasuar me orët e mëngjesit, kur pritjet arrinin deri në tre orë. Aktualisht, pritjet për hyrje në Kosovë në këtë pikë janë nga 15 deri në 20 minuta.

Në pikën kufitare Dheu i Bardhë, qarkullimi vazhdon të mbetet i njëjtë me atë të paradites, me pritje prej 30 deri në 40 minutash. Ndërkohë, në Mutivodë raportohen pritje të ngjashme, nga 15 deri në 20 minuta.

Në pikat e tjera kufitare, qarkullimi po zhvillohet normalisht dhe nuk ka raportime për pritje të gjata.