Ambasada e Kosovës në Lubjanë ka njoftuar se shtetasit kosovarë, të cilëve u janë vjedhur targat e automjeteve pas ndeshjes së mbrëmshme Slloveni–Kosovë, duhet të raportojnë rastet në Policinë e Republikës së Sllovenisë dhe të kontaktojnë për asistencë.

Në njoftim theksohet se raportimi në polici është hapi i parë i domosdoshëm, ndërsa për mbështetje dhe udhëzime për kthimin në Kosovë, qytetarët mund të përdorin numrin emergjent të Ambasadës: +386 31 465 221.

Ambasada ka bërë të ditur se është në dispozicion për çdo informacion shtesë dhe ndihmë për të prekurit nga ky incident.