Siria ka parandaluar dy tentativa të ndara të Shtetit Islamik për të vrarë presidentin Ahmed al-Sharaa, kanë bërë të ditur për Reuters dy zyrtarë të lartë.

Burimet shtuan se një nga komplotet ishte fokusuar rreth një angazhimi zyrtar të Sharaa, por nuk dhanë detaje për arsye sigurie. Ministria siriane e Informacionit nuk komentoi mbi sulmet specifike, duke theksuar se ISIS vazhdon të përbëjë një kërcënim real për Sirinë dhe rajonin.

Deklarata e ministrisë konfirmoi angazhimin e vendit për të mbrojtur popullin dhe për të luftuar terrorizmin në të gjitha format e tij. Ky njoftim vjen ndërsa Siria është gati t’i bashkohet një koalicioni global kundër ISIS-it të udhëhequr nga SHBA-ja dhe në prag të takimit të Sharaa me presidentin amerikan, Donald Trump, në Shtëpinë e Bardhë.