Një aksident trafiku zingjiror ka ndodhur në orët e para të mëngjesit të sotëm në rrugën Gjilan–Prishtinë, në afërsi të fshatit Parallovë. Në këtë aksident janë përfshirë katër automjete.

Lajmin e ka konfirmuar zëdhënësi i Policisë për rajonin e Gjilanit, Ismet Hashani, i cili tha se fatmirësisht nuk ka persona të lënduar.

“Nga hetues të trafikut rajonal po hetohen rrethanat e këtij aksidenti,” ka deklaruar Hashani.

Policia po vazhdon hetimet për të sqaruar shkaqet që çuan në përplasjen e automjeteve.