Kryeministri në detyrë, Albin Kurti, i ka shkarkuar nga detyra zëvendësministrin Elldin Ugllari dhe këshilltarin politik Enesi Sulejmanoviç.

Vendimi është marrë ditën e djeshme, më 27 tetor.

Ky veprim po shihet si një formë “hakmarrjeje” ndaj deputetës së komuniteteve, Duda Balje, e cila nuk e votoi Qeverinë e propozuar nga Kurti në seancën e së dielës.

Lidhur me këtë,  ka reaguar Balje e cila  pas shkarkimeve ka shkruar  shkurt: “Hakmarrja nuk ka nisur, veç ka vazhduar!”.