Një adolescent 17-vjeçar është ndaluar nga Policia pas një kontrolli rutinë në rrugën “Besa-Besë” në Fushë Kosovë, më 18 tetor 2025, rreth orës 16:30.

Gjatë kontrollit, në çantën e tij u gjetën 3.21 gramë marihuanë, një thikë dhe mallra të dyshuara të vjedhura, përfshirë çokollata, pije energjetike, një maskë ushtarake dhe një dorezë ngjyrë të kaltër. Hetimet e policisë treguan se disa nga sendet mund të jenë marrë nga një market “Meridian” në zonë. I riu pranoi gjithashtu se kishte konsumuar drogë dhe nuk kishte leje për mbajtjen e thikës.

Me urdhër të Prokurorit Kujdestar, rasti është iniciuar për posedim të paautorizuar të narkotikëve, mbajtje të armëve pa leje dhe vjedhje, ndërsa i dyshuari është dërguar në mbajtje 24-orëshe. Hetimet vazhdojnë nga Prokuroria Themelore në Prishtinë.