Ushtria izraelite ka nisur një sulm ajror në Gaza, pas një incidenti në Rafah, në pjesën jugore të Gazës, ku trupat izraelite u sulmuan me armë zjarri, raporton The Times of Israel.

Forcat Mbrojtëse të Izraelit (IDF) ende nuk kanë komentuar mbi sulmet, ndërsa si Izraeli, ashtu edhe Hamasi kanë akuzuar njëri-tjetrin për shkelje të armëpushimit të arritur më parë.

Së fundmi, Departamenti amerikan i Shtetit ka paralajmëruar se Hamasi mund të planifikojë një sulm të menjëhershëm ndaj civilëve në Gaza, duke thyer armëpushimin. Nëse sulmi realizohet, SHBA-ja ka njoftuar se do të ndërmerren masa për të mbrojtur civilët dhe për të ruajtur integritetin e armëpushimit, të arritur nga Donald Trump për të vënë në fund luftën dyvjeçare midis Izraelit dhe Hamasit.