Sllovenia ka ndaluar hyrjen në territorin e saj kryeministrit të Izraelit, Benjamin Netanyahu. Ky vendim vjen pas masave të ngjashme që shteti slloven mori në korrik ndaj dy ministrave izraelitë me pozita të së djathtës ekstreme. Ndalimi për Netanyahu u bë i ditur nga Qeveria e Sllovenisë përmes një deklarate, raporton agjencia “Reuters”.

Sllovenia, anëtare e Bashkimit Evropian dhe që nga viti i kaluar ka njohur shtetin palestinez, ka vendosur gjithashtu embargo armësh ndaj Izraelit në gusht dhe ndalim të importimit të mallrave nga territoret e pushtuara palestineze.