Një aksident zinxhir ka ndodhur sot në fshatin Zhur të Prizrenit, në drejtim të pikëkalimit kufitar në Vërmicë, ku janë përfshirë tetë automjete. Si pasojë e përplasjes, tre persona kanë pësuar lëndime trupore dhe janë dërguar për trajtim mjekësor.

Zëdhënësi i Policisë, Daut Hoxha, ka bërë të ditur se rruga është bllokuar përkohësisht, ndërsa qarkullimi po zhvillohet përmes rrugëve alternative. Ai ka apeluar tek shoferët që të respektojnë rregullat e komunikacionit, të ngadalësojnë shpejtësinë dhe të tregojnë kujdes të shtuar për sigurinë në trafik.

Policia njofton se detaje të tjera do të bëhen të ditura pas raportimeve shtesë nga autoritetet kompetente.