Një përleshje fizike ka ndodhur dje në rrugën “UÇK” në Viti, ku tre persona janë rrahur mes vete pas një mosmarrëveshjeje.

Policia njofton se në vendin e ngjarjes është gjetur dhe sekuestruar një pistoletë me gaz. Personat e përfshirë kanë marrë trajtim mjekësor për lëndimet e marra.

Sipas vendimit të prokurorit, njëri nga të dyshuarit është dërguar në mbajtje, ndërsa dy të tjerët janë liruar në procedurë të rregullt.