Pas dështimit për të transferuar sulmuesin nigerian Victor Boniface, AC Milan ka zhvendosur interesin te talenti danez Conrad Harder, me Igli Taren që po udhëheq negociatat për afrimin e tij në “San Siro”.

Sipas mediave italiane, bisedimet me agjentin e lojtarit kanë hyrë në fazën përfundimtare. Marrëveshja parashikon kontratë pesëvjeçare me pagë fillestare prej 1.5 milionë eurosh në sezon, ndërsa Sporting Lisbon do të përfitojë 24 milionë euro plus 3 milionë bonuse dhe 10% nga një shitje e ardhshme.

Harder, i lindur në vitin 2005, u rrit te Nordsjælland dhe shkëlqeu me 27 gola në 24 ndeshje për ekipin U-19, ndërsa sezonin e kaluar te Sporting regjistroi 9 gola dhe 4 asiste në 43 paraqitje.

Ky transferim shihet si një investim afatgjatë i Milanit për të forcuar repartin ofensiv.